Rusiä prezidentı Vladimir Putin qanlı Ändican waqıyğalarına ber yıl tulğanda Üzbäkstan prezientı İslam Kärimov belän Soçida oçraşıp aña diplomatik yaqlaw kürsätte.
Putin Üzbäkstan belän säyäsät, iqtisad häm iminlek ölkäsendä bäyläneşlärne nığıtu turında qanun imzaladı. Putin bügenge oçraşuda Mäskäw-Taşken xezmättäşlegen yaxşırtaçaq dide.
"Belüegezçä, äle genä min bezneñ berektäşlek mönäsäbätläre turında kileşüne ratifikatsiäläw qanunın imzaladım. Häm bu bezneñ xezmättäşlekneñ sıyfatın terkäwneñ çirattağı öleşe. Minemçä bügen bez bu turıda häm töbäktäge wäzğiät turında söyläşerbez. Bez moña ber dä bitaraf tügel, çönki bu bezneñ yort" dide Putin.
Ändicandağı küpläp üterüne Könbatış tänqitläp çıqqanda, Kärimov xökümäte Rusiä belän iminlek ölkäsendäge bäyläneşlären nığıttı häm Mäskäw bu ütereşne xalıqara däräcädä tikşerügä qarşı çıqqan Üzbäkstanğa yaqlaw belderde.
