Accessibility links

Şmakovnıñ qulğa alınuı qanunsız


Başqortstan respublikasınıñ Yuğarı mäxkämäse bäysez “Provinsial'nıye vesti” gäzite möxärrire Viktor Şmakovnıñ qulğa alınuı qanunsız bulu turında qarar çığardı. Xäbär itüebezçä, Şmakov xalıqnı ekstremizmğa çaqıruı öçen dip 28 nçe aprel' qulğa alınğan ide. 29 nçı aprel' Ufanıñ Kirov rayonı mäxkämäse jurnalistnı tikşerü barğan waqıtqa iregennän mäxrüm itü turında qarar çığardı. Yuğarı mäxkämäneñ qararı 16 nçı may buluğa qaramastan, ul haman tikşerü izolyatorında totıla. Bu turıda ğäeplänüçeneñ xatını Lyudmila Şmakova xäbär itte. Şmakova mäxkämä qararı poçta aşa cibärelü säbäple, ul barıp citkänçe irekkä çığarılmayaçağın xäbär itte. Häm Ufa eçendä bu xatnıñ “bilgele säbäplärdän” tiz genä barıp citmäw ixtimallığın da äytte.

Şmakov irekkä çığarılu anıñ aqlanuı digän süz tügel. Süz cinayät eşe tikşerelgän waqıtqa irekkä çığaru turında bara.

XS
SM
MD
LG