Accessibility links

Кайнар хәбәр

Barźı başqorttarı qatnaşırğa teläy


Perm krayınıñ Barźı rayonında yäşäwse başqorttar boronğo Ğäynä ırıuına qaray. Perm krayında 40 meñdän aşıu başqort yäşäy. Ular nigeźźä, Çernuşka, Köngör, Usa qalaları häm Quyıuźı, Barźı rayondarında töplängän. Küptän tügel kray başqorttarı uźğarğan qoroltayźa Barźı rayonı başqorttarı üź xalqınıñ ruxi ixtiäjdarın qänäğätländerew maqsatınan ijtimaği üźäk oyoştorow turahında beldergäyne. Bıl oyoşma Ğäynä ile tip atala. Perm krayınıñ Barźı rayonı başlığı İxsan Urstimerov äytewensä, Başqortostandıñ Räsäygä quşılıuınıñ 450 yıllığın bildälägändä, ular źa sittä qalırğa teyeş tügel.

Başqortostandan sittä yäşähäk tä, yörägebeź barıber başqort bulıp tibä ti İxsan Urstimerov. Ul krayźa başqort tele uqıtılmağanlıqtan, ğäynä başqorttarına ğına xas üźensälektär yuğala barıuına borsola.

Puğäçev yawında Salawattıñ qul aźtında eşlägän 9 brigadirźıñ 7-he ğäynä ırıuınan bulğan. Räsäy taw sänäğätenä nigeź halıusı İsmäğil Tasímov ta oşo ırıuźıqı. Tarixsılar ğäynä başqorttarınıñ taríxın nıqlap öyränew käräklegen bildäläy. Bıl yähättän Perm başqorttarı başqort ğälimdarına źur ömöttär bağlay.
XS
SM
MD
LG