Accessibility links

Кайнар хәбәр

Rusiä Yewropa Berlegeneñ İranğa täqdimen xuplıy


Rusiä tışqı eşlär ministrı Sergey Lavrov Rusiä Yewropa Berlegeneñ Tährannı uran bayıtudan tıyılırğa künderü maqsatındağı täqdimen xuplıy dide. Küwäytkä säfäre barışında çığış yasap Lavrov bu mäs'älägä söyläşülär aşa çişeleş tabunı yaqlawın belderde häm İrannı xezmättäşlekkä çaqırdı. İrtägä Londonda AQŞ, Rusiä, Qıtay, Fransiä, Britaniä häm Germaniä yuğarı räsmiläre cıyılıp İranğa qarata nindi çaralar kürü turında söyläşäçäk. Alar arasında Yewropa Berlegeneñ İrannı uran bayıtunı tuqtatıp toru öçen qızıqsınıru maqsatındağı täqdimnäre dä qarala. İran andıy qızıqsındıru çaralarına almaşqa da uran bayıtunı tuqtatmayaçağın belderde.
XS
SM
MD
LG