39 meñ uqıusı mäktäp tamamlay

Bögön mäktäptärźä «Huñğı qıñğıraw» bayramdarı ütä. Qıñğırawlı mäktäp yıldarı menän Başqortostandan bıyıl 93 meñ uqıusı xuşlaşa. Ularźıñ 39 meñyı 11-se sinıftı, 54 meñdän aşıuı 9-sı sinıftı tamamlay. Xäźer üsmerźär aldında imtixandar tora. Küptär berźäm däülät imtixanın haylay. Mäğärif ölkähyındäge bıl täjribä dürtense yıl ütkärelä. Respublikala täüge berźäm däülät imtixanı ximia fäne buyınsa, 23-sö mayźa ütte. Matematikanan imtixan 5-se, fizikanan 13-sö iüngä täğäyenlängän.

Şul uq waqıtta mäğarif xeźmätkärźäre balalar hanı kämeügä borsolowın belderä. Bıltır urta mäktäpte bötöröüselär 2 meñgä küberäk ine. Öfölä mäsälän bıyıl 8 meñ uqıusı 11-sene tamamlay, ä 1-se sinıfqa kileüselär hanı 5 meñdän artmay. Balalar hanı kämeügä bäyle xäl Putin möräjäğätenän huñ yäqşırır tigän ömöttä küptär. Tik bınıñ ösön demografik xäl turahındağı doqumenttıñ tulıhınsa qabul iteleüyı möhim. Yuğihä respublikala yıl hayın tistäläp mäktäp töźölä, ularźıñ ber-nisä yıldan buşap qalıuı la ixtimal. Uźğan yıl Beloret rayonı Ğäbdök awılında la prezident Mortaza Räximov olo tantanalar qorop mäktäp asqaynı. Bıyıl unda 6 uqıusı ğına tamamlay. Mäktäp direktorı Flür Şöğäyepov teyeşle saralar kürelmähä, Ğäbdök mäktäbeneñ kiläsäge bik tomanlı ti. Sönki, awılda balalar hanı yıldan–yıl kämey bara.