Bügen biredä Ukraina belän Gruziä Bäysez Däwlätlär Berlegen tağın ber märtäbä tänqitläde, ämma älegä berlektän çığu mäs'äläsen qaramawların belderde.
Düşämbedä DBD oçraşuı axırında Ukraina premyer ministrı urınbasarı Yuriy Melnik oyışmağa aşığıç räweştä üzgäreşlär kertergä çaqırdı. Şul uq waqıtta Kiev annan çığu mömkinlege turında süz alıp barmıy dide.
"Bez ul turıda söyläşmibez. Bez BDB strukturasında östenleklärne tögäl bilgelärgä häm strukturanı reformalarğa çaqırabız" dide Melnik.
Gruziä däwlät ministrı Giorgi Baramidze prezident Mixail Saakaşvili xökümätkä Tiflisneñ BDBda qaluınıñ küpmegä töşüen bäyälärgä quştı, ämma älegä bu turıda qarar bulmadı dide.
Ukraina belän Gruziä BDBda Rusiä östenlek itä, häm bu oyışma başqa illärneñ mänfäğätlären yaqlamıy dip belderä.
