Qırğızstan başqalasındağı Üzbäk ilçelege qarşında Üzbäkstanda törmägä yabılğan uyğur aktivistı Xösäin Cälilne irekkä çığarunı taläp itep piket üktärelde.
Anda Demokratiä dip atalğan Uyğur xoquq yaqlaw oyışmasınıñ 30-lap tarafdarı qatnaştı. Törkem citäkçese Tursun İslamov xäbärçelärgä Cälilgä uylap çığarılğan ğäyeplär yağıla dide häm Üzbäk xakimiätlären uyğurlarğa qarşı Qıtaydağığa oxşaş säyäsät alıp baruda ğäyepläde.
"Üzbäkstanda uyğur mäsäläsen, uyğur milläten xätta tanımıylar da. Üzbäkstanda uyğurlar bar, ämma uyğur oyışmaları, uyğur üzäkläre yuq. Ul tıyılğan. Bu human tügel dip sanıybız" dide İslamov.
Üzbäk xakimiätläre Cälilne 27-nçe martta Qırğız häm Qıtay möräcäğätläre nigezendä qulğa aldı. Qırğızstanda ul Uyğur cämğiäte başlığı Niğmät Baizakovnı üterüdä ğäyeplänä. Qıtay anı Sincan ölkäsendä däwlät räsmiläre törkemenä höcüm oyıştıruda ğäyepli.
