Bügen Mäskäwdä Yevropa Şurasınıñ Parlamentar Assambleyası prezidentı Rene van der Linden Rusiä prezidentı Vladimir Putin häm tışqı eşlär ministrı Sergei Lavrov belän oçraştı. Rusiä oyışmanıñ räise wazifasına kereşä. Lavrov, Rusiägä, wäğdälärne tormışqa aşırırğa waqıt kiräk, dip belderde:
"Bez Yevropa Şurasına kergändä birgän wäğdälärne ütäp kiläbez. Rusiäneñ säyäsi teläge turında süz barmıy, bezgä qalğan maqsatlarğa ireşer öçen waqıt kiräk. Alar arasında Rene van der Linden bügen telgä alğan 6nçı protokol – keşe xoquqların yaqlaw turındağı Yevropa Konvensiäse häm ülem cäzasın beterü turındağısı da barü."
İran turında, Rusiä tışqı eşlär ministrı, ägär dä Tähran BMO atom idaräse belän xezmättäşlek itsä, dönya citäkçeläre aña tınıç maqsatlarda atom energiäse citeşterergä irek biräçäk, dip ışandırdı. Prezident Putin, Rusiä Yevropa Şurası belän xezmättäşlekne üsterü öçen quldan kilgänne eşliäçäk, dip belderde.
