İran tışqı eşlär ministrı Manuçer Mottaqi, İran Amerika Quşma Ştatlar belän söyläşülärgä äzer, ämma üzeneñ uran bayıtu xoquqınnan baş tartmıy, dip belderde: "Bez üzebezneñ xoquqlarıbız turında söyläşmiäçäkbez. İslam Cömhüriäte häm İran xalqınıñ xalıqara kileşülärdä qaralğan xoquqları turında süz barmayaçaq. Bez urtaq mäsälälär turında söyläşergä äzer." Kiçä AQŞ däwlät sekretare Condoleezza Rice, ägär dä Tähran uran bayıtu eşçänlegen tuqtatsa, Waşingtonnıñ söyläşülärgä äzer bulğanın beldergän ide. Mottaqi, Rice, bu süzläre belän AQŞnıñ töbäktäge cinäyätlären yäşerergä tırışa, dide. Bügen kiç Avstriä başqalası Venada İrannıñ atom programması turında söyläşü bula. Anda BMO İminlek Şurasınıñ 5 daimi äğzase häm Germaniä diplomatları qatnaşa. Qıtay bügen Quşma Ştatlarnıñ täqdimen yaqlap çıqtı, ämma İranğa çikläwlär kertügä qarşı bulğanın belderde. Rusiä, nixayät nizaqqa çişeleş ixtimalı buluın belderde.
