Accessibility links

Кайнар хәбәр

NATO beryulı dönyanıñ 8 urınında çaralar alıp bara alaçaq


Biredä NATO illäreneñ tışqı eşlär ministrları xärbi planlaştıruçılarğa beryulı dönyanıñ 8 urınında xärbi operatsiälär alıp baru turında yaña eş qağidälären rasladı. Bu qağidälär nigezendä NATO beryulı härbersendä 60 meñläp xärbi qatnaşqan 2 zur çara häm härbersendä 30 meñgä qädär xärbi qatnaşqan 6 keçkenäräk çara ütkärergä äzer bulaçaq. Xäzer NATOnıñ 30 meñläp xärbie Ewropa, Afrika häm Aziädäge çaralarda qatnaşa. NATO süzçese James Appathurai berektäşlär şulay uq tulayım citeşterü külämeneñ kimendä 2 protsentın saqlanu çığımnarına totarğa tırışırğa dip kileşte dide. NATO general sekretare Jaap de Hoop Scheffer NATOnıñ Äfğänstandağı çaralarğa tuğrılığına da, anı başqaru mömkinlegenä dä şik belän qararğa tieş tügel dide. "Äfğänstanda ozın möddätle çara bara. Häm berektäşlär bezneñ bu çaranı xärbi köç belän täemin itärgä täwäkkäl. Citärlek köçlärneñ kiterelüe monı inde kürsätte. Bezneñ maqsat Äfğänstan xökümätenä iminlek tä'min itü, şunıñ belän tözekländerü häm tärräqiätkä yul açu" dide de Hoop Scheffer. NATO citäkçelegendäge Xalıqara İminlek Yardäme Köçläre yül ayında Äfğänstannıñ bäreleşlär barğan könyağında iminlek öçen cawaplılıqnı AQŞ citäkçelegendäge xalıqara köçlärdän üz qulına alaçaq.
XS
SM
MD
LG