Accessibility links

Salawat könnärenä äzerlek tikşerelde


Kiläse atnada Başqortstannıñ Baltaç rayonında başqort xalqınıñ milli batırı Salawat Yulaev könnäre ütäçäk. Mäğlüm ki, bıltır Salawat Yulayıwnıñ 250 yıllıq yubileyın bäyräm itkändä, respublika citäkçelege färmanı belän, bu bäyrämne yıl sayın ber rayonda oyıştıru xaqında qarar itelgän ide. Bıyıl Salawat könnären zur küpçelek xalqın tatarlar täşkil itkän Baltaç rayonında ütkärergä buldılar.

Başqortstan Mädäniät häm milli säyäsät ministrlığında şuşı bäyrämgä äzerlek barışın tikşergän cıyılış bulıp ütte. Bu bäyrämne oyıştıru öçen cawaplı keşelärneñ berse – Başqortstan Xalıq icatı üzäge direktorı Zahir Şäyaxmätov süzlärençä, bıyıl Salawat könnäre tağın da qolaçlıraq häm maturraq ütäçäk. “Bıyıl bez Salawat Yulayıwnıñ änise obrazına da zur iğtibar birergä buldıq”, - di ul.

Başqortstan Xalıq icatı üzäge direktorı Zahir Şäyaxmätov buldı bu. Baltaç rayonında ütäçäk Salawat könnärendä respublikanıñ barlıq rayonnarı häm şähärläre wäkilläre üzläreneñ mädäni häm sport programmaları belän qatnaşaçaq.

XS
SM
MD
LG