Ämma xökümät koalitsiäse tözü öçen birelgän östämä waqıt birelgän bulsa da parlamenttağı partiälär üzara kileşä almadı.
Elekke Äflisun inqilabı berektäşläre, prezident Viktor Yuşçenkonıñ Bezneñ Ukraina partiäse, elekke premyer ministr Yulia Timoşenko partiäse häm Sotsialist partiä atnalarça däwam itkän söyläşülärdän soñ da kileşügä kilä almadı.
Kiçä Bezneñ Ukraina koalitsiä söyläşülären üzeneñ töp köndäşe, Viktor Yanukoviçnıñ Rusiä yaqlı Töbäklär partiäse belän ütkärü mömkinlegenä işarä itte.
Bügen Yuşçenko parlament koalitsiäsen kiçekmästän tözergä çaqırdı, şul uq waqıtta, anda kemnär keräçägen partiälär üzläre saylarğa tieş dide.
