Ğiraq başqalasında iminlek buldıru öçen başlanğan kiñlüläm çaralarnıñ ikençe könendä Bağdadta distälärçä meñ Ğiraq politsiäse häm soldatları, koalitsiä xärbiläre kizü tora.
İminlek çaraları başlanğanda politsiä Bağdadnıñ törle urınnarında atıp üterelgän 7 keşe mäyete taptı.
Bağdadtan tönyaq-könçığıştağı Baquba şähärendä qorallı keşelär ber avtobustan 10 sivilne çığarıp atıp ütergän.
Tönyaqtağı Tikrit şähärendä qorallı keşelär sönni mäçetenä höcüm itep 4 keşene üterde, kimendä 13-ne yaraladı. Politsiä mäçettä şartlamıy qalğan bomba da tabıldı di.
AQŞ-Ğiraq urtaq operatsiäse näticäsendä Kerbala ölkä şurası räise Akil äz-Zübäydi qulğa alındı. Ul terrorçılıqnı yaqlawda ğäyeplänä dielä. Ul operatsiä barışında şuranıñ iminlek komitetı äğzası da qulğa alındı dip xäbär itelä.
