Bügen Almaatada Qazaxstan häm Azärbäycan prezidentları Nursoltan Nazarbayev belän İlham Aliev şul turıda kileşü imzaladı. Nazarbayev "Bügen imzalanğan kileşü nigezendä bez neftebezne berençedän Rusiä aşa, ikençedän Qıtay aşa, öçençedän Kafkaz aşa qudıru mömkinlegenä iä buldıq. Xäzärneñ Azärbäycan yağında, Baqı yanında häm bezneñ yaqta bik zur yaña qorılmalar eşli başlıyaçaq" dide Nazarbayev.
Nazarbayev şulay uq bu kileşü Qazax-Azärbäycan mönäsäbätläre tarixındağı bik möhim waqıyğa dide. Kileşü nigezendä Qazax nefte köymälär belän Xäzär diñgeze aşa Baqığa kitereläçäk, annan soñ 1770 çaqrım ozınlıqtağı ütkärgeç torba aşa Törkiäneñ Urta diñgezdäge Cäyhan portına qudırılaçaq. Ütkärgeçne räsmi açu tantanası Törkiädä 13-nçe yüldä ütäçäk.
