Här yılnıñ yün ayında öçençe şimbä könne Yekaterinburgta sabantuy bulasın yäşe dä, qartı da aldan uq belep, sağınıp kötep ala. Ölkännär äytüençä, sabantuy bulmağan yılnı biredä xäterlämilär.
Soñğı yıllarda xalqıbıznıñ bu yaratqan bäyräme bigräk tä bay bizäkle, matur bulıp uza başladı. Bu eştä Tatarstan respublikasınıñ yärdäme bik zur.
Bu yılğı saban tuyına respublikanıñ Quqmara rayonınnan rayon başlığı Rawil Şäydäwlät ulı Räxmätullin citäkçelegendä zur delegasia kilgän ide. Quqmaralılar sabantuy qunaqların küñelle cır-biülärdän torğan mädäni programma belän quandırdılar, çın tatarça milli täm-tomnar belän sıyladılar, törle yarışlarnı, bigräk tä köräşne oyıştıruda qatnaştılar.
Yekaterinburg xalqına Tatarstan qunaqları bik oşağan kebek, qunaqlar da üzläreneñ Ural töbägendä yäşäwçe millättäşläre belän ğorurlanuların belderdelär. Quqmara rayonı başqarma komitetınıñ mädäniät bülege citäkçese Ramil Nuriev üz täesirlere turında söylägändä, “Sabantuyğa monıñ xätle xalıq cıyılğanın min üzebezneñ Quqmarada häm Qazanda ğına kürgänem bar ide”, - dide.
Rayon başlığı Rawil äfände Räxmätullin belän ayırım äñgämä qorıp aldıq.
“Şunısı quanıçlı, tatarlar üz telebezdä, saf tatar telendä matur itep aralaşalar, ğöref-ğädätlärebezne onıtmıylar, millätpärwär keşelär dä küp ikän, - dide ul, - bez sezneñ öçen bik qänäğät. Ä menä bez üzebez inde biregä prezidentıbız Mintimer Şäripowiç quşuı buyınça kildek, sezneñ sabantuylarığıznı bizärgä dip kildek, buldırabız dip kildek”.
Quqmaralılar, çınlap ta, buldırdılar. Alar Yekaterinburg sabantuyın ğına bizäp qalmadılar, ikençe könne Berezovskiy şähäre sabantuyın oyıştıruda da qatnaştılar. Tatarstannan kilgän delegasia Berezovskiy şähäre sabantuyın uzdıruda inde ikençe yıl rättän qatnaşa. Uzğan yıl bu ğädätne Mamadış rayonı delegasiase başlap cibärsä, bu yıl Quqmara rayonı däwam itte. Tatarstannıñ Uraldağı daimi wäkile Rawil Bikbov äytüençä, qunaqlarnıñ ikençe yıl rättän Berezovskiy şähäre xakimiate çaqıruın qabul itüeneñ seren şähär başlığınnan ezlärgä kiräk.
Rusiädäge iñ yäş şähär başlıqlarınıñ berse bulıp sanalğan 33 yäşlek Vyäçeslaw Piusowíç Brozovskiy üze milläte belän nemes. Xalıqlar duslığın nığıtu säyäsäteneñ ähämiäten añlap, tolerantlıq ruxında eşli ul. Biredäge altın şaxtalarında elek-elektän bik küp tatar häm başqort keşeläre eşlägänen istä totıp, Berezovskiyda küpläp yäşägän tatarlarnıñ häm başqortlarnıñ milli eşlärenä härdaim yärdäm itep tora.
Sabantuynı açıp çığış yasağanda, şähär başlığı Brozovskiy Tatarstan prezidentı Mintimer Şäymievnıñ çittä yäşäwçe tatarlarğa yärdäm itep torudağı binihäya zur xezmäten häm millätne saqlap qalu yulında alıp barğan ziräk säyäsäten yuğarı bäyäläde häm anıñ belän soqlanuın belderde.
Sabantuynıñ konsert programmasın Tatarstan mädäniät ministrlığı tarafınnan cibärelgän Räsim Nizamov, Azat Xösäyenov kebek yoldızlar çığışı bizäde. Tanılğan cırçılar da çittä yäşäwçe millättäşlärneñ çın küñeldän bäyräm itä belülärenä soqlanuların äyttelär.
“Ber genä rusça söyläşep yörgän keşene kürmädek, xalıq şulqädär eçkersez, räxätlänep bii, cırlıy, küñelle itep yal itä belä”. Monısı Räsim Nizamov süzläre. Anıñ fikeren Azat Xösäyenov ta cöpläp quydı: “İnde Tatarstannan çittä dä mondıy sabantuylar uzdıra belgäç, tatar xalqıbızğa häm möselman qardäşlärebezgä olı räxmät kenä äytäse qala”.
Duslıq häm xezmät bäyräme bulıp, sabantuylar däwam itä. Swerdlovski ölkäse xalqı xäzer bik zurlap Ölkä sabantuyı uzdırırğa äzerlänä.
Fäwiä Safíullina, Yekaterinburg
Soñğı yıllarda xalqıbıznıñ bu yaratqan bäyräme bigräk tä bay bizäkle, matur bulıp uza başladı. Bu eştä Tatarstan respublikasınıñ yärdäme bik zur.
Bu yılğı saban tuyına respublikanıñ Quqmara rayonınnan rayon başlığı Rawil Şäydäwlät ulı Räxmätullin citäkçelegendä zur delegasia kilgän ide. Quqmaralılar sabantuy qunaqların küñelle cır-biülärdän torğan mädäni programma belän quandırdılar, çın tatarça milli täm-tomnar belän sıyladılar, törle yarışlarnı, bigräk tä köräşne oyıştıruda qatnaştılar.
Yekaterinburg xalqına Tatarstan qunaqları bik oşağan kebek, qunaqlar da üzläreneñ Ural töbägendä yäşäwçe millättäşläre belän ğorurlanuların belderdelär. Quqmara rayonı başqarma komitetınıñ mädäniät bülege citäkçese Ramil Nuriev üz täesirlere turında söylägändä, “Sabantuyğa monıñ xätle xalıq cıyılğanın min üzebezneñ Quqmarada häm Qazanda ğına kürgänem bar ide”, - dide.
Rayon başlığı Rawil äfände Räxmätullin belän ayırım äñgämä qorıp aldıq.
“Şunısı quanıçlı, tatarlar üz telebezdä, saf tatar telendä matur itep aralaşalar, ğöref-ğädätlärebezne onıtmıylar, millätpärwär keşelär dä küp ikän, - dide ul, - bez sezneñ öçen bik qänäğät. Ä menä bez üzebez inde biregä prezidentıbız Mintimer Şäripowiç quşuı buyınça kildek, sezneñ sabantuylarığıznı bizärgä dip kildek, buldırabız dip kildek”.
Quqmaralılar, çınlap ta, buldırdılar. Alar Yekaterinburg sabantuyın ğına bizäp qalmadılar, ikençe könne Berezovskiy şähäre sabantuyın oyıştıruda da qatnaştılar. Tatarstannan kilgän delegasia Berezovskiy şähäre sabantuyın uzdıruda inde ikençe yıl rättän qatnaşa. Uzğan yıl bu ğädätne Mamadış rayonı delegasiase başlap cibärsä, bu yıl Quqmara rayonı däwam itte. Tatarstannıñ Uraldağı daimi wäkile Rawil Bikbov äytüençä, qunaqlarnıñ ikençe yıl rättän Berezovskiy şähäre xakimiate çaqıruın qabul itüeneñ seren şähär başlığınnan ezlärgä kiräk.
Rusiädäge iñ yäş şähär başlıqlarınıñ berse bulıp sanalğan 33 yäşlek Vyäçeslaw Piusowíç Brozovskiy üze milläte belän nemes. Xalıqlar duslığın nığıtu säyäsäteneñ ähämiäten añlap, tolerantlıq ruxında eşli ul. Biredäge altın şaxtalarında elek-elektän bik küp tatar häm başqort keşeläre eşlägänen istä totıp, Berezovskiyda küpläp yäşägän tatarlarnıñ häm başqortlarnıñ milli eşlärenä härdaim yärdäm itep tora.
Sabantuynı açıp çığış yasağanda, şähär başlığı Brozovskiy Tatarstan prezidentı Mintimer Şäymievnıñ çittä yäşäwçe tatarlarğa yärdäm itep torudağı binihäya zur xezmäten häm millätne saqlap qalu yulında alıp barğan ziräk säyäsäten yuğarı bäyäläde häm anıñ belän soqlanuın belderde.
Sabantuynıñ konsert programmasın Tatarstan mädäniät ministrlığı tarafınnan cibärelgän Räsim Nizamov, Azat Xösäyenov kebek yoldızlar çığışı bizäde. Tanılğan cırçılar da çittä yäşäwçe millättäşlärneñ çın küñeldän bäyräm itä belülärenä soqlanuların äyttelär.
“Ber genä rusça söyläşep yörgän keşene kürmädek, xalıq şulqädär eçkersez, räxätlänep bii, cırlıy, küñelle itep yal itä belä”. Monısı Räsim Nizamov süzläre. Anıñ fikeren Azat Xösäyenov ta cöpläp quydı: “İnde Tatarstannan çittä dä mondıy sabantuylar uzdıra belgäç, tatar xalqıbızğa häm möselman qardäşlärebezgä olı räxmät kenä äytäse qala”.
Duslıq häm xezmät bäyräme bulıp, sabantuylar däwam itä. Swerdlovski ölkäse xalqı xäzer bik zurlap Ölkä sabantuyı uzdırırğa äzerlänä.
Fäwiä Safíullina, Yekaterinburg
