Premyer ministr İdaräse belderüenä qarağanda Bağdadta Qazan waqıtı belän köndezge ikedän Şimbäneñ irtänge altısına qädär komendant säğäte kertelgän.
Bu comğa namazları waqıtına turı kilä. Uzğan comğada şığıylar mäcetendä intixarçı bomba şartlatıp 11 keşene üterde.
Ğiraqnıñ könyağındağı Basra şähärendä bazar häm benzin stansiäse yanında intixarçı bomba şartlatıp kimendä 10 keşene üterde.
Baquba şähäre yanındağı Hib-hib awılında sönni mäcete yanınıda bomba şartlap tağın kimendä 10 keşene üterde. AQŞ xärbiläre Baquba yanında äl-Qaidäneñ yuğarı äğzasın häm terrorçı dip şiklänelgän 3 keşene qulğa aluın belderde.
Anbar wiläyätendä bulğan bäreleştä ber amerikan xärbie hälak buldı.
