Quşma Ştatlarda 7 keşe qulğa alınıp AQŞqa qarşı höcümnär oyıştıru turında äl-Qaidä belän süz berläşterüdä ğäyeplände.
Bügen iğlan itelgän federal ğäyepläwgä qarağanda, bu 7 keşe Çikagodağı 110 qatlı Sears manarasına häm Mayamidağı xökümät binalarnı höcümnär oyıştıru turında süz berläştergän bulğan.
Alarnıñ barısı da kiçä Mayamida qulğa alınğan.
Ğäyepläwgä qarağanda bu keşelär höcüm oyıştıru öçen äl-Qaidä äğzası belän elemtägä kerep aqça, avtomat qorallar, radio elemtä, maşinalar sorağan bulğan.
AQŞ yustitsiä ministrı Alberto Gonzales alarnıñ bügen mäxkamä qarşına basaçağın belderde.
