Biredä bügen yözlägän keşe Qazaxstannıñ mäğlümat çaraları turındağı qanunğa üzgäreşlär kertügä qarşı uram cıyının ütkärde. Jurnalistlar bu üzgäreşlär ildä matbuğat iregen qısaçaq, dip belderä. Prezident Nursoltan Nazarbayev tarafınnan yaqlanğan älege qanun ölgese qabul itelsä, basmalarnı terkäw awırlaşaçaq. Yaña qanunda şulay uq, mäxkämä qararı belän yabılğan basmalarda eşlägän keşelärneñ başqa matbuğat çaralarında eşläwen tıyu qaralğan. Yevropada İminlek wä Xezmättäşlek Oyışması, şulay uq AQŞ, yaña qanun matbuğat iregenä orım bulaçaq, digän belderü belän çıqtı.
