Fälästinneñ ber-berse belän kileşä almağan “Fatx” häm XAMAS törkeme wäkilläre, İzrailne däwlät bularaq tanu turında, säyäsi kileşügä ireşkännäre xaqında xäbär itte. “Fatx” wäkilläreneñ berse, bu kileşü turında räsmi belderü soñraq bulaçaq, dide. Berençel mäğlümatqa qarağanda, doqumentta İzrail yanında bäysez Fälästin däwläte tözergä çaqıru turında yazılğan. Elegräk, fälästin xökemäte başında torğan XAMAS, İzrailne tanudan qatğıy baş tartqan ide. Şuña kürä, xalıqara cämäğätçelek finans yärdäme kürsätüne tuqtattı.
