-Yuq, berniçek tä sizmim bu proyektlarnıñ ütäleşen.
-Min dä alarnıñ yärdämen berniçek tä toymıym. Qızım mäktäpne altın medal'gä tämamladı. Uqırğa kerer öçen 90 meñ sum aqça sorıylar. Närsä soñ inde bu? Mondıy xällär bezdä genä bula inde. Şifaxanägä barsañ da, aqçañ bulmasa, ukol qadamıylar, perevyazka da yasamıylar. Nindi yärdäm inde bu? Bernindi yärdäm kürgänem yuq bu däwlättän, şuşı yäşemä citep tä.
-Älbättä, däwlät yärdämen min toyam. Minemçä, bezne däwlät şaqtıy qayğırta. Rusiäneñ başqa töbäklärendä yäşäwçe duslarım bar, alar da äytä, Tatarstan çağıştırmaça yuğarı däräcädä tora!
-Yuq min yaxşı üzgäreşlär sizmim.
-Elegräk awırıp yatqanda bez, pensionerlar, yanına uçastok tabipları kilep kitä ide içmasam. Xäzer bez berkemgä dä kiräk tügel!
-Şähärdä yäşibez bit, şuña kürä, mäsälän, awıl xucalığındağı milli proyektlarnı küzätä almıym. Ämma bezneñ anda qalğan tuğannar barısı da elekkeçä qala dip äytälär. Mäğärif ölkäsendä dä xäzer böten närsä aqçağa qorılğan. Ğadi keşegä faydası timi inde närsä disäñ dä. Anıñ faydasın çinovniklar kürä.
Al'bina Zäynulla
