Accessibility links

Кайнар хәбәр

Omski yäşläre forumnan qayttılar


Uzğan atnada Qazanda bulıp ütkän II Bötendönya yäşlär forumı eşendä qatnaşqan Omski yäşläre çärşämbe könne şähärgä qaytıp cittelär. Omski ölkäsennän forumğa 5 keşe barğan ide. Delegatsiä citäkçese Dinara Başirova buldı. Anıñ süzlärençä, yäşlär forumnan qanäğät bulıp, ruxlanıp qaytqannar. Qayberläreneñ Qazanğa berençe baruları, tatarlar yäşläreneñ şulqädär küpläp cıyıluın berençe kürüläre bulğan. Şulay uq alar törle illärdän kilgän yäşlärneñ saf tatar telendä söyläşülären işetep tañ qalğannar. Tatarça Seber dialektında yaxşı ğına söyläşä belgän Aydar Mamatov xätta ädäbi tatar telen nıqlap öyränergä niät qılğan.

Omski yäşläreneñ küñellärendä forum barışında oyıştırılğan “Tatar ğailäse” seksiäsendä qatnaşu tirän ez qaldırğan. Anda yäşlär balanı tatar itep tärbiäläwdä ğailäneñ, ayıruça ananıñ ni däräcädä cawaplı buluın añlağannar. Omski delegatsiäse forumda qatnaşuçılar belän bergä Quşlawıç häm Qırlay awıllarına säyäxät qılğannar, sabantuyda qatnaşqannar.

Tatarstan prezidentınıñ “Bez buldırabız” digän süzläre bu cıyında yış yañğırağan. Yäşlär anı üzençälekle ber şiğar itep qabul ittelär,- di Dinara.

Rozaliä Sayganova, Omski

XS
SM
MD
LG