Sişämbe irtän ğisyançılarnıñ İzrail törmälärennän fälestinlelärne çığaru şartınıñ waqıtı çıqtı. Alar bu şartnı 25 yün könne totıq itep alınğan İzrail xärbien azat itü bärabärenä quydı. İzrail tışqı eşlär ministrlığı wäkile bolay: “Bez terrorçılar belän söyläşülär alıp barmıybız. Min tağın şunı äytä alam, Gilat Şalit isän. Ägär dä aña närsä dä bulsa bula qalsa, İzrail monıñ öçen cawaplılarğa iñ qatı çaralar qullanaçaq” dide. 7 tön buyı rättän İzrail armiase Ğaza Sızığınıñ tönyağındağı qorılmalarnı utqa tottı. Sişämbedäge atışlarda Xämasnıñ xärbi qanatı äğzası hälak buldı.
