Accessibility links

Кайнар хәбәр

Qazanlınıñ Puninğa sorawı: Urıs bulmağan xalıqlarnı assimilätsiäläw – sezneñ säyäsätneñ ber maqsatımı?


Vladimir Putin belän internet aşa aralaşu 6 iyüldä bulaçaq. nternet ul çiklärne belmi torğan ber närsä şunda. Anda çik tä yuq, senzura da yuq, tikşerü dä çamalı. Şuña kürä, Rusiä mäğlümat çaralarınıñ ber yaqlılığınnan tuyğan keşelär internet aşa mäğlümat alırğa tırışa. Bu bik qızıq auditoriä. Häm ul auditoriä torğan saen arta. Mäsälän, Tatarstan xalqınıñ 22 protsentı internet qullana. Bu statistika, yäki soraştırularğa nigezlängän mäğlümat. Rusiä räsmiläreneñ äle berseneñ, äle ikençeseneñ awızınnan internetqa senzura kertergä digän süzlär işetelä. Läkin, tot qapçığıñ, çik quyalmıylar älegä. Döres, qıtay kebek yarım avtoritar illärdä bu senzura internetta da bar. Läkin Rusiä moña qädär ük barıp citälmi. Şuña nişlärgä, berniçä distä million qullanuçı, yäğni potensial saylawçı bulğan internet qullanuçılarnı bit yıraqqa cibärergä yaramıy. Şulay itep, putin administratsiäse xäl qılğan. İnternet aşa il prezidentına sorawlar birergä häm alarğa Putin üze cawaplayaçaq. Bu xäl 6 iyüldä yandex säxifäse aşa başqarıla. Putinğa sorawlar inde berniçä kön yazıla tora. Tulı xisabı älegä yuq. Här xäldä berniçä distä meñnär belän xisaplanğanı bäxässez. Bu äle, şuşı qädär sorawlarğa Putin cawap biräçäk digän süz tügel. Älege konferensiäne yasawçılar qızıq ısul uylap tapqannar. Här yazılğan soraw öçen tawış birep bula, şul uq internet aşa. Nindi soraw kübräk tawış cıya, şular bireläçäk. Ä älegä beläsezme nindi soraw iñ zur tawış cıyıp alda bara. Küptän tügel genä Putin Kreml''gä säyäxätkä kilüçelär belän oçraşıp, anda 4 yäşlek malaynıñ külmägen kütärep, qorsağın üpkän ide. TV kanalları da, gäzit bitläre dä monı yaqtırttı. Menä internet qullanuçıların şuşı soraw borçıy. Ni öçen prezident balanıñ bitennän , yäki başınnan üpmägän dä, ni öçen menä qorsağın üpkän. Häm, bu soraw öçen 13 meñnän artıq keşe tawış birgän. Yarar, mondıy sorawlar ğına tügel ilbaşına. Milli mäs’älälärne kütärgän sorawlar da şaqtıy. Mäsälän, ksenofobiä bülegendä, sorawlarnı büleklärgä bülep quyğannar, menä şuşı ksenofobiä bülegendä sorawlar qaynar. Anda ni öçen kavkaz xalqı ilne bastı, qayçan quasız alarnı, ni öçen urısnıñ üz däwläte yuq işe sorawlar bua buarlıq. Tawış birüçeläre ällä ni küp tügel. Anda yä 3 tawış. YÄ 5. Menä şuşı uq bülektä Qazannan Röstäm isemle ber keşe. Ul üzeneñ yäşen 27 dip quyğan Putinğa şundıy soraw birä. Äytegez äle, urıs bulmağan xalıqlarnı assimilyatsiäläw – ul sezneñ säyäsätneñ ber maqsatımı? Bu sorawğa bu xäbär äzerlängändä 20 keşe tawış birgän ide. Bu az san tügel. Çönki, soraw bit 221781 urında. Häm sorawlar, inde äytelgänçä bik küp. Alarnı uqıp çığu da distälägän säğät waqıtnı alır ide. Putinğa bu Qazanda yäşäwçe Röstämneñ sorawı citkerelerme, 6 iyül kursäter.

Räfis Cämdixan

XS
SM
MD
LG