Qama yär'yağı wahabitçıları xaqındağı şomlı xäbärlär dönyağa taratıla tora. Bu xaqta "Argumentı i faktı", "Kommersant" gäzitläre zurdan qubıp yazıp çıqtılar, şuşı yazmaları belän xalıq küñelenä qurqu, şom östäp toralar. Cirle matbuğat ta çittä qalmıy. Çallıda, mäsälän 120 danädä "Yedinstvo" gäzite näşer itelä häm ul buşlay Qama töbägendäge şähär - rayonnarda buşlay taratıla. Şuşı basmanıñ 7 iyül sanında "Wahabitlar KamAZnı şartlatırğa telägännär" digän isem astında, avtorı kürsätelmägän kileş, mäqälä bastırıp çığardılar. Ber urında, "Kommersant" şulay yaza digän iskärmä genä bar.
Azatlıq radiosı qulğa alınğan möselmannar, alarnı nidä ğäyepläwlär xaqında mäğlümätlär birep tora. Elegräk, Çallı möselmannarınıñ köç strukturaları xezmätkärlären üterügä, xalıq küp cıyılğan urınnarda şartlatular oyıştıruğa qorallar äzerläwläre, Qazannıñ meñellığına terror aktlar oyıştırıluı äytelep kilde. Xäzer inde alda äytep kitkän Mäskäw häm alarğa iärgän cirle matbuğat tağın da qurqınıç närsälär turında bäyän itä. Çallı gäzite menä nilär yaza :
" Qazannıñ meñellığı uñayınnan traktlar oyıştıru belän bergä, wahabitlar 2007-08 yıllarda respublikanıñ citäkçelegendä bulğan keşelärne urlarğa, şulay uq KamAZda, Tübän Qama şähärendäge ximiä zavodlarında, Qazan vertolet berläşmäsendä, Çallı susaqlağıçlarında şartlawlar äzerlärgä tieş bulalar. Läkin, alarnı qulğa alular şartlawlarğa yul quymıy". Bu Çallı gäzitennän alınğan özemtä ide.Mondıy yazmalarğa xalıq bitaraf tügel. Tatar xalqınıñ Milli Mäcles deputatı Faik Taciev :
Menä qayda kürenä ul konstitutsiälär, konfessiälär tigezlege, wöcdan iregeneñ tormışqa aşırıluı. Minemçä, bu - Rusiädä keşe xoquqlarınıñ bozu, möselmannarnı ezärlekläw küreneşe.
Sez, terror aktların oyıştıruda ğäyeplänep qulğa alınğan möselmannarça könnän-kön zur ğayıplär tağılu uñayınnan matbuğatta bulğan yazmalarğa qarata tatar xalqınıñ Milli Mäcles deputatı Faik Taciev fikerlären işettegez.
Ğafiulla Ğaziz, Çallı
