Ğaza Sızığınıñ tönyağında İzrail ğaskärläre fälästin suğışçıları sızıqların hawadan utqa totunı comğa könne qabat başladı. Xämasnıñ öç suğışçısı üterelde, öçese yaralandı. Fälästin avtonomiäseneñ premyer ministrı İsmail Xania Ğaza Sızığına ğaskärlär kerüne “keşeçelekkä qarşı eşlängän cinayät” dip atadı. İzrail tışqı eşlär ministrlığı wäkile Mark Regev “Min dönya cämäğätçelege İzrail xärbi operasiaseneñ maqsatın añlıy dip uylıym. Min uzğan yıl İzrail Gaza Sızığınnan ğäskärlärne çığaruın häm xalıqnı evakuasialäwne xäterli dip uylıym. Qabat ğaskärlärne kertüebezneñ berdän-ber säbäbe - İzrailneñ tınıç xalqına qarata ğısyançılar tarafınnan köç qullanunıñ tuqtalmawı”, - dide.
İzrail ğaskärläre 25 yündä totıq itep alınğan xärbine tabıp qotqarırğa tırışa. İkençe maqsatları - İzrail cirlärenä raketa atunı tuqtatu.
