Quşma Ştatlar prezidentı George Bush, Piterburğa “Zur sigezlek” sammitına kilügä ük, Rusiäneñ xökümättän tış oyışmalar wäkilläre belän oçraştı. Çeçnädağı wäzğiät, yaña ğına qabul itelgän xökümättän tış oyışmalar turındağı qanun, YuKOSnıñ xökem itelgän başlıqları häm başqa temalar tikşerelde, dip belderä “Açıq Rusiä” ictimağıy oyışmasınıñ elekke başlığı İrina Yasina. Bu oçraşuda barlığı 16 keşe qatnaşqan. Xoquq yaqlaw fondı “Demos”nıñ başlığı Tatyana Lokşina, “Azatlıq radiosı” xäbärçesenä, Bush Rusiä prezidentı Putin belän söyläşülärdä bu oçraşuda kütärelgän temalarğa da qağılırmın dip wäğdä itte, dide.
