Bu dokument Rusiä xärbiläreneñ Abxaziä häm Könyaq Osetiädän kitüe häm anda xalıqara tınıçlıq köçlären urnaştıru turında.
Rusiä xäkimite isä, Gruziä mondıy qararnı üze genä qabul itä almıy dip belderä. Rusiä däwlät dumasınıñ xalıqara eşlär komitetı başlığı Konstantin Kosaçev: “Töbäklärdäge tınıçlıq köçlärenä qarağan Gruziä parlamentınıñ bu qararı yüridik döreslekkä turı kilmi. Älegä bu üz xökümätlärenä, il citäkçelegenä möräcäğät kenä. Mondıy çaqırularnı Gruziä parlamentı elegräk tä yasağan ide. Älegä qädär başqarma xakimiatlär mondıy çaqırularnı tormışqa aşırmadı”, - dide.
Gruziä prezidentı Mixail Saakaşvili Abxaziä häm Könyaq Osetiädäge Rusiä tınıçlıq köçlärenä qağılışlı qararnı, Rusiä prezidentı Putin belän söyläşkäç kenä, qabul itäçäkmen, dip belderde. İke ilneñ başlığı Mäskäwdä bu atnada bulaçaq Bäysez Däwlätlär Berdämlegeneñ räsmi bulmağan sammitında oçraşırğa tieş.
