Uruzğan wilayätendä xärbi çara waqıtında 18 talib hälaq buldı. Bu xaqta Niderland xärbi köçläre xäbär itte. NATO general sekretäre Jaap de Hoop Scheffer häm berlekneñ xärbi çaralar başlığı, AQŞ generalı James Jonesnıñ Äfğanstanğa säfäre däwam itä. Alarnıñ Uruzğan wilayätenä baruları da kötelä. NATO citäkçeläre Äfğanstanda tınıçlıq saqlaw wazifasın AQŞ ğaskärlärennän NATO köçlärenä küçerü eşläre belän yöri.
