Accessibility links

Кайнар хәбәр

Küp kenä piterburlılar cäyleklärdä yal itä


Cäy citügä Peterburg buşap qala: tuzanlı, tınçu taş qaladan yalıqqan xalıq başlıça Leningrad ölkäsendä urnaşqan säyfilärenä - daçalarına - aşığa. Qızğanıçqa qarşı, alarnı küp oçraqta küñelsez syurpriz kötä: watılğan pıyala, talanğan yort. Közdän çäçep qaldırğan yäşelçä, suğanğa da tınğı yuq: suqbaylar, eşsezlär sinnän alda uñışnı cıyıp qalırğa aşığa. "Uñış"dip tä şartlı räweştä genä äytep bula inde: küp xezmät salınsa da, yarlı Leningrad tufrağı uñış birergä bik aşıqmıy. Şulay bulsa da, daça - piterlılarnıñ kübese öçen yaratqan yal urını. Qayberäwlär, bigräk tä pensionerlar, öçen berdänber yal itär cir dip äyter idem min. Äbilärebezne tıñlap qarasağız, üzegez dä.

XS
SM
MD
LG