Accessibility links

Кайнар хәбәр

Libanda äle dä rusiälelär qala birä


Rusiä tışqı eşlär ministrı Sergey Lavrov Libannıñ könyağında älegä qädär Rusiä häm Bäysez Däwlätlär Berdämlege watandaşları bar, dip belderde. Lavrov äytüençä, Rusiä wäkilläre, keşelärne imin kileş niçek Süriägä kiterü turında, İzrail yağı belän kiñäşä. Süriädän alarnı Ğädättän tış xällär ministrlığı oçqıçı alıp kitergä mömkin. Libannan häm Fälästin avtonomiäsennän Rusiäneñ häm BDB illäreneñ 1900-lap watandaşı çığarılğan. Düşämbe Libannan diñgez yulı belän Törkiägä Awstralia, Kanada, Şvetsianeñ 1800 watandaşı kilgän. Distälärçä meñ çit il keşese soñğı könnärdä Libannan Qıbrızğa küçerelgän.
XS
SM
MD
LG