Düşämbe, 31 yül könne Yaqın Könçığışqa xalıqara xärbi köçlär cibärü turında berençe söyläşü ütäçäk. Bu xaqta oyışmanıñ general sekretare Kofi Annan belderde:
"Ğaskärgä üz xärbilären birä alaçaq illär wäkillären düşämbe könne cıyarğa kileştek. Söyläşü äle tögäl bulmayaçaq, çönki Xalıqara iminlek saqlaw ğäskärlärenä BMOnıñ İminlek Şurasınnan äle röxsät alınmağan, xärbi köçlärneñ wazifası tögäl bilgelänmägän."
Ğäskärgä Yevropa Berlege illäre häm könyaq Libanda BMOnıñ küzätü missiäsendä bulğan 2 meñlek xärbi köçlärgä üz ğäskärilären cibärgän illärdän alınır dip farazlana. Germaniä kanslerı Angela Merkel, Germaniä Yaqın Könçığışqa ğäskär cibärü urınına, Liban polisiäse öçen künegülär oyıştırunı östen kürä, dip belderde.
