Mäskäw -- Mäskäwneñ xärbi mäxkämäse elekke FSB polkovniğı Sergei Skripalne şpionlıqta ğäyepläp 13 yıl törmägä xökem itte. İminlek xezmäte mäglümätenä qarağanda, ul Rusiäneñ Europada eşlägän distälägän küzläw agentınıñ isemnären Britannarğa tapşırğan öçen 100 meñ dollar çaması aqça qazanğan. 55 yäşlek polkovnik xärbi däräcäsennän häm büläklärennän mäxrüm itelgän. Rusiäneñ baş xärbi prokurorı Sergei Fridinski mäxkämäneñ bu qararına qänäğätlänü belderde.
