Bäyrutta hawa höcümnäre bulaçaq

İzrail köçläre tınıç xalıqnı Bäyrutnıñ Xizbulla kontrolendä bulğan bistälärennän kitergä çaqırdı. Xalıqqa hawa höcümnäre bulaçaq digän uram qägäzläre taratıldı. Şulay uq İzrail xärbi köçläre Libannan Süriägä baruçı töp yulğa bombalar taşlanaçaq dip kisätte. Pänceşämbe irtän isä, İzrail Liban cirendä yaña xärbi operasialärne başlamayaçağı turında xäbär itkän ide.

Berniçä atna yabıq torğan Gaza-Misır çik buyı berniçä säğätkä genä açılıp, yañadan yabıldı. Atnalar buyı Gazadan çığa almağan berniçä yöz keşe çik aşa ütkän.