Ägär dä Quşma Ştatlar, yäki İzrail İranğa höcüm itsä, şul uq waqıtta cawap utı açılaçaq. Bu xaqta Tährandağı íslam yuğarı ruxanıylarınıñ berse äytte. Milli teleqänäl buyınça çığış yasap, Ayatolla Äxmät Xätämi “íslam belän uynaw arıslan qoyrığına basu” ikänlekne Waşington añlarğa tieş, dide. “Ägär dä alar başına íslam İranına höcüm itü uyı kilsä, Xizbullanıñ 70 çaqırım yıraqlıqqa ata torğan raqetaları İzrailne öräklär ilenä äyländergänen islärendä totarğa tieş. Alar 2000 çaqırımğa oça torğan bezneñ raqetalar Tel- Aviv üzägendä şartlawnı qurqu belän küz allarına kiterergä tieş”,- dide Ayatolla Äxmät Xätämi.
