İran räsmiläre Natans cir astı atom qorılmasına BMO tikşerüçelären kertmägän. Bu xaqta Associated Pressqa Xalıqara atom energiase agentlığı diplomatları häm tikşerüçeläre xäbär itkän. İran atom yağulığın eşläwne däwam itergä häm basımğa bireşmäskä cıyına. Bu xaqta İrannıñ yuğarı ruxanıy başlığı ayatulla Ali Xameni belderde. Belgeçlär fikerençä, Xameninıñ çığışı İrannıñ BMO İminlek şurası taläben kire qağarğa cıyınuın añlata. BMO täläbenä kürä, Tähran awgust axırına qädär urannı bayıtu eşlären tuqtatırğa tieş ide. Tuqtatqan oçraqta İranğa iqtisadıy täqdimnär buldı. Cawapnı Tähran sişämbe birergä tieş.
