Semberdä açılaçaq tatar mäktäbe açıq işeklär köne oyıştırdı. Şimbä könne baytaq äti-änilär tulayım remontlanğan bülmä-kabinetlarnı kürep soqlandılar, moña zur qänäğätlek belderdelär. Alar aldında rayon mäğärif idäräse başlığı Tat''na Çernova çığış yasadı. Mäğärif türäse barçasın da açılaçaq mäktäp binasında remont eşläre tämamlanuı belän täbrikläde, uqu planı häm eşkä qabul itelgän 20 uqıtuçı belän tanıştırdı. Açıq işeklär köne äti-änilärdä uñay tä''sirlär tudırğan.
Elektän tanılğan abruylı uqıtuçılar tuplanğanlığı, yuğarı sıyfatlı remont, bülmälärdäge pöxtälek balalarıbıznı tatar-möselman itep tärbiälärgä yärdäm itär. Şulay uq Qazan uqu yortlarına kerü ixtimalı da qızıqsındıra alarnı.
Moña qädär ikelänep yörgän 13 ğailä üz balaların da biregä kiterergä qarar qıldılar, düşämbe könne ük dokumentların tapşıraçaqlar. Tik moña elekke mäktäplär direktorlarınıñ qarşı çığuına şöbhä dä belderdelär. Rayon mäğärif idäräse başlığı Tat''yana Çernova andıy oçraq bulsa, tup-turı üzenä xäbär itärgä quştı. Anıñ şundıy başbaştaqlıq oçraqlarına çik quyaçağına ışanırğa da buladır, çönki üze dä şuşı mäktäptä “Dönya sänğäti kul''turası” digän fänne uqıtırğa alınğan ikän. Dimäk, mäktäp açu mäs’äläse bixisap kirtälärne yırıp çığarğa oxşıy, ömetlär nıği bara, dilär uqıtuçılar da, äti-änilär dä.
Elektän tanılğan abruylı uqıtuçılar tuplanğanlığı, yuğarı sıyfatlı remont, bülmälärdäge pöxtälek balalarıbıznı tatar-möselman itep tärbiälärgä yärdäm itär. Şulay uq Qazan uqu yortlarına kerü ixtimalı da qızıqsındıra alarnı.
Moña qädär ikelänep yörgän 13 ğailä üz balaların da biregä kiterergä qarar qıldılar, düşämbe könne ük dokumentların tapşıraçaqlar. Tik moña elekke mäktäplär direktorlarınıñ qarşı çığuına şöbhä dä belderdelär. Rayon mäğärif idäräse başlığı Tat''yana Çernova andıy oçraq bulsa, tup-turı üzenä xäbär itärgä quştı. Anıñ şundıy başbaştaqlıq oçraqlarına çik quyaçağına ışanırğa da buladır, çönki üze dä şuşı mäktäptä “Dönya sänğäti kul''turası” digän fänne uqıtırğa alınğan ikän. Dimäk, mäktäp açu mäs’äläse bixisap kirtälärne yırıp çığarğa oxşıy, ömetlär nıği bara, dilär uqıtuçılar da, äti-änilär dä.
