Sember ölkäseneñ qäläm tibrätüçeläre oyışması üzeneñ çirattağı kiñäşmäsendä ölkädäge ğädelsezleklärgä qänäğätsezlek belderde. Oyışmanıñ citäkçese Lena Sadıyqova–İdalbikä cirle byudjetta tatarça kitaplar çığaruğa aqça qaralmawın tübänsetü dip bäyäläde. Yuğisä, Rawil Şäfiğullin häm Rifqät Xismätevneñ şiğerläre cıyıntıqları planğa kertelgän häm bu turıda wäğdälär dä birelgän ide inde. Kitaplar çığaruğa ölkädä barlığı 1,5 million rubl'' aqça qaralğan, şunda öleş bulır, digännär ide. Läkin tatarça kitaplarğa ber tien dä öleş tätemägän. Komissiä räise “Bez aqçanı kitap avtorınıñ millätenä qarap bülmädek”, digän.
Berdän-ber ömetebez yänä Tatarstanğa barıp törtelä. “Şöker, - dide Lena xanım, - Qazanıbız bezne taşlamıy: yıl axırına qädär “Filantrop” premiäse lawreatı Gakıyl'' Säğirevneñ “Yöräk sere” häm üzeneñ “Küñel kükkä omtıla” digän cıyıntıqları dönya kürer, dip ömetlänäbez”.
Qäläm tibrätüçelärebez “İdel çişmäläre” isemle şiğri antologiä häm notalı cırlar kitabın äzerlärgä kileştelär. Uqıtuçılarnıñ belemen kamilläşterü institutı metodistı Naciä Nurmöxämmäteva anı çığaruda institutnıñ da yärdäme buluı ixtimalın äytte. Çönki, dide ul, Töbäkne öyränü däreslärendä andıy basma däreslek rolen dä uynıy alır ide.
Tağın ber närsä borçıy qälämdäşlärne: xakimiät qaramağındağı basmalarnıñ Berläşterelgän redaksiäseneñ “Ädäbi säxifälär yılına ber genä märtäbä – Puşkinnıñ tuğan könendä genä mömkin”, digän qararı. Menä ike ayğa yaqın inde “Ömet” gäzite bitlärendä şiğer-parça-xikäya-mikäyalär kürengäne yuq. Avtonomiä qorıltayında, citäkçelär aldında moña rizasızlıq beldergännän soñ, “Ömet”neñ redaktorı Berläşterelgän redaksiä citäkçese Zviäzovanıñ “Bälki milli gäzitlärgä başqaçaraq qaraş bulır”, digän süzlären citkergän ide dä - älegä şul köye qala birä.
Berdän-ber ömetebez yänä Tatarstanğa barıp törtelä. “Şöker, - dide Lena xanım, - Qazanıbız bezne taşlamıy: yıl axırına qädär “Filantrop” premiäse lawreatı Gakıyl'' Säğirevneñ “Yöräk sere” häm üzeneñ “Küñel kükkä omtıla” digän cıyıntıqları dönya kürer, dip ömetlänäbez”.
Qäläm tibrätüçelärebez “İdel çişmäläre” isemle şiğri antologiä häm notalı cırlar kitabın äzerlärgä kileştelär. Uqıtuçılarnıñ belemen kamilläşterü institutı metodistı Naciä Nurmöxämmäteva anı çığaruda institutnıñ da yärdäme buluı ixtimalın äytte. Çönki, dide ul, Töbäkne öyränü däreslärendä andıy basma däreslek rolen dä uynıy alır ide.
Tağın ber närsä borçıy qälämdäşlärne: xakimiät qaramağındağı basmalarnıñ Berläşterelgän redaksiäseneñ “Ädäbi säxifälär yılına ber genä märtäbä – Puşkinnıñ tuğan könendä genä mömkin”, digän qararı. Menä ike ayğa yaqın inde “Ömet” gäzite bitlärendä şiğer-parça-xikäya-mikäyalär kürengäne yuq. Avtonomiä qorıltayında, citäkçelär aldında moña rizasızlıq beldergännän soñ, “Ömet”neñ redaktorı Berläşterelgän redaksiä citäkçese Zviäzovanıñ “Bälki milli gäzitlärgä başqaçaraq qaraş bulır”, digän süzlären citkergän ide dä - älegä şul köye qala birä.
