Çeçnyäda qorallı 49 suğışçı birelgän

İnğuşetiäneñ Berd-Yurt awılında qorallı ike suğışçı üterelgän. İnğuşetiä eçke eşlär ministrlığı belderüençä, qorallı suğışçılar maşínadan militsia xezmätkärlärenä ut açqaç atış başlanğan. Höcüm itüçelärneñ berse şunda uq hälaq bulğan, ä ikençese xastaxanägä barğanda ülgän. Ä Çeçnyäda isä, Şatoy rayonındağı xärbi bülekkä atqan waqıtta ber ğaskäri üterelgän. Höcüm itüçelärne ezlilär.

Tönyaq Kavkazda üzläre qoralların tapşırğannar yarlıqana digän belderü uñayınnan, sişämbe irtän Gudermesta 49 qorallı suğışçı xakimiatlärgä birelgän.