Accessibility links

Кайнар хәбәр

İske tatar bistäsendä ölkänräklär cıyıldı


Küp kenä millättäşebez bu könne İske tatar bistäsendä bäyräm itte. Alar öçen biredä tatarça cırlar, şiğerlär, biyüllär dä başqarıldı. Tatar canlı Märcäni uramında kübräk olı keşelär kürende. Alarnıñ küpçelege respublika könen näq menä Qaban küle yanında, tatar bistäse urnaşqan cirdä bäyräm itärgä yarata. Xäzer üzlären tıñlap qarıyq:

-Min Yäşel Üzännän kildem. Yıl sayın bez ğailäbez belän şuşı İske tatar bistäsenä kilep bäyräm itäbez. Bik yaqın bezgä bu cirlär, bik matur monda. Räxmät citäkçelärgä, räxmät tatar xalqına!

Cır-biyüllärne tamaşa qılğannan soñ millättäşebez kül buyında urnaştı. Ğailä, duslar belän cıyılışıp cırlıy-cırlıy räxätlänep küñel açtı.

Märcäni uramınnan eçtäräk uzğanda yäşlär dä kürende. Bez bergä ğömergä” dip atalğan çarada studentlar, uquçılar belän bergä fän, din ähelläre, cämäğät eşlekleläre dä qatnaştı. “Şäkertlär mäydanında” tarixi cırlar, şiğerlär başqarıldı. İlnur xäzrät Sabircan millättäşlären qotladı:

Küp millätle, küp konfessiäle Tatarstan cirendä matur itep bäyräm itärgä kildek. Bezneñ möstäqil cömhüriät bulıp yäşäwebezne başqa xalıqlarğa, böten dönyağa kürsätergä tieşbez.

Albina Zäynulla

XS
SM
MD
LG