Accessibility links

Кайнар хәбәр

Ramil Bignovqa yänä höcüm kötelä


Rusiä Pensionerlar firqäseneñ Başqortstan bülekçäse Başqortstan tatarları milli-mädäni möxtäriäte räise Ramil Bignov utırğan ofis yanında piket uzdıruın xäbär itkän idek. Alar Bignovtan “Xalıq” investitsiä-çek fondına salğan aqçalarnı qaytarunı taläp itte. Bignov isä bu fondqa qatışı bulmawın beldergän ide. İnde qabat şunda uq tağı fondlardan zıyan kürüçelärne cıyarğa bulğannar. Bu turıda “Moskovskiy komsomoles v Ufe” gäzite xäbär itte. Anda fondlardan zıyan kürüçelär törkeme 5 sentäber Ufanıñ Üktäber prospektı 77nçe yortta cıyıluı äytelgän. Bu Başqortstan tatarları milli-mädäni möxtäriäte utırğan bina. Möxtärit citäkçeläre andıy cıyın uzdırırğa bina birmäwlären, şul uq waqıtta fondlar häm däwlättän aldanuçılarnıñ ğädellek ezläwen xuplawların belderdelär.
XS
SM
MD
LG