Qazaqstanda oppozitsiädäge säyäsätçe Altınbäk Sarsınbayıvnı üterüdä ğäyeplängän Röstäm İbrahímov ülem cäzasına hökem itelde. Elek türä bulğan İbrahímov bu cinayätne oyıştıruda häm tormışqa aşıruda ğäyeplände. Ülem cäzası qararı ğömerlek törmägä yabıluğa alıştırılğan. Qazaqstanda ülem cäzasına moratoríy qabul itelgän. Bu cinayätne yallağan maxsus xezmätneñ elekke xezmätkäre Yırjan Ütembayıv 20 yılğa iregennän mährüm itelgän. Tağın sigez keşe 10 yıldan 20 yılğa qädär törmädä utırırğa tieş. Sarsınbayıv häm anıñ ike yärdämçese febräl ayında üterelgän ide.
