“Keşe xoquqları öçen” xäräkäteneñ Başqortstan bülekçäse räise Räis Däwlätxucin Rusiäneñ Konstitutsiä mäxkämäsenä möräcäğät itte. Ul Rusiä däwlät Dumasına saylawlar turında qanunnıñ qanunlığın tikşerüne sorıy. Xoquq yaqlawçı fikerençä, älege qanun Konstitutsiägä qarşı kilä. Däwlätxucin yaña qanun buyınça Duma deputatlarnıñ yartısınıñ firka isemlege belän saylanuı döres tügel dip isäpli. Anıñ fikerençä, bu saylaw häm saylanu xoquqın boza. Däwlätqucin “yalğız qarğa yaz kitermi”dip, yäğni üzeneñ genä bu qanunnı üzgärtä aluına şiklänä, tik şulay da, barça cämäğätçelek tä moña quşılsa, Konstitutsiädäge saylaw häm saylanu xoquqları bozıluğa çik quyılır dip isäpli.
