Çeçnyänıñ könyäğındağı tawlarda Vedeno rayonınıñ Neftyanka awılında bulğan bäreleştän soñ qaçıp kitkän qorallı suğışçılarnı ezlilär. İrtän Neftyankada qorallı törkem häm “Wostok” batalionı xärbiläre arasında atışlar bulğan. Kontrakttağı ike xärbi yaralanğan. Qorallı suğışçılarnıñ berse üterelgän, qalğannarı Şatoy rayonı yağına qaçıp kitkän,- dip beledrä Azatlıq radíosı xäbärçese. Çeçnyäda ber täwlek eçendä Şali, İtum-Kali häm Vedeno rayonnarında qorallı suğışçılar Rusiä xärbilärenä biş tapqır höcüm itkän. Öç ğaskäri yaralanğan.
