İrtän Moradovanıñ balaların morgqa çaqırtqan Törkmän iminlek räsmiläre, äniläreneñ mäyeten kürsätmiçä genä anıñ ülüen raslaw turında qäğäzgä qul quyırğa täqdim itkän. Balalar monnan baş tartıp qaytıp kitkän, eşkä Törkmän Helsinki Waqıfı qatnaşqaç qına, räsmilär Ogulsapar Moradova mäyeten anıñ tuğannarına kürsätkän. Balaları, äniläreneñ muyınında nindider ezlär häm başında zur yara bulğanın xäbär itte. Törkmän Helsinki Waqıfı bu ülemne – säysi üterü, dip bäyäläde.
Moradovanıñ qayçan, niçek häm nindi şartlarda ülgäne bilgesez bulıp qala. Anıñ xattä nindi törmädä utırğanı da mäğlüm tügel. Tuğannarı belän oçraşqan iminlek xezmäte wäkile, Moradovanıñ üz üleme belän ülgänen, moña iminlek xezmäteneñ qatnaşı bulmağanın belderde.
Törkmän Helsinki Waqıfı citäkçese Tacigül Bikmedova, Moradovanıñ qulğa alınğançı saw-sälämät bulğanın söyläp birde:
"Saw sälämät kileş qulğa alınğannan soñ ul törmägä darular sorıy başladı. İnde ul çaqta uq bez monıñ säyer bulğanın uyladıq. Xäzer ul inde isän tügel. Ägär räsmilär anı awırıp ülde disälär – bu şır yalğan bulaçaq."
Tacigül Bikmedova Moradovanıñ balaları belän söyläşkän:
"Alar morgtda mäyetne bäysez tabip tikşersen digän taläp quyğaç, alarğa yanıy başlağannar."
Moradova häm keşe xoquqların yaqlawçı tağın ber niçä keşe yün ayı urtalarında qulğa alınğan ide. Soñıraq Milli İminlek Ministrı Geldimöxämmät Aşirmöxämmädov, alarnıñ bersen, Annaqorban Amanklıçevnı prezident Saparmorat Niyazovqa qarşı fetnä äzerläwdä ğäyepläp çıqtı.
Moradova, Amanklıçev häm öçençe keşe Sapardurdı Xaciyev, 25 avgust könne röxsätsez qoralğa iä buluda ğäyeplänep 7 yılğa qadär törmägä xökem itelgän ide. Keşe xoquqları oyışmaları ğäyepläwlär nigezsez, dip belderde.
Moradovanıñ mäyeten AQŞ ilçelegeneñ ike wäkile kürergä telägän, räsmilär alarğa röxsät birgmägän. İlçelektän älegä bu xaqta añlatmalar bulmadı.
Moradovanıñ qayçan, niçek häm nindi şartlarda ülgäne bilgesez bulıp qala. Anıñ xattä nindi törmädä utırğanı da mäğlüm tügel. Tuğannarı belän oçraşqan iminlek xezmäte wäkile, Moradovanıñ üz üleme belän ülgänen, moña iminlek xezmäteneñ qatnaşı bulmağanın belderde.
Törkmän Helsinki Waqıfı citäkçese Tacigül Bikmedova, Moradovanıñ qulğa alınğançı saw-sälämät bulğanın söyläp birde:
"Saw sälämät kileş qulğa alınğannan soñ ul törmägä darular sorıy başladı. İnde ul çaqta uq bez monıñ säyer bulğanın uyladıq. Xäzer ul inde isän tügel. Ägär räsmilär anı awırıp ülde disälär – bu şır yalğan bulaçaq."
Tacigül Bikmedova Moradovanıñ balaları belän söyläşkän:
"Alar morgtda mäyetne bäysez tabip tikşersen digän taläp quyğaç, alarğa yanıy başlağannar."
Moradova häm keşe xoquqların yaqlawçı tağın ber niçä keşe yün ayı urtalarında qulğa alınğan ide. Soñıraq Milli İminlek Ministrı Geldimöxämmät Aşirmöxämmädov, alarnıñ bersen, Annaqorban Amanklıçevnı prezident Saparmorat Niyazovqa qarşı fetnä äzerläwdä ğäyepläp çıqtı.
Moradova, Amanklıçev häm öçençe keşe Sapardurdı Xaciyev, 25 avgust könne röxsätsez qoralğa iä buluda ğäyeplänep 7 yılğa qadär törmägä xökem itelgän ide. Keşe xoquqları oyışmaları ğäyepläwlär nigezsez, dip belderde.
Moradovanıñ mäyeten AQŞ ilçelegeneñ ike wäkile kürergä telägän, räsmilär alarğa röxsät birgmägän. İlçelektän älegä bu xaqta añlatmalar bulmadı.