Xalıqara Jurnalistlar Federatsiäse İran xökümäteneñ çit illärdä bulğan jurnalistlar küzläw eşlärenä bäyle bulırğa mömkin digän belderülärenä borçıluın citkerde.
Oyışma belderüendä İran küzläw ministrınıñ uzğan atnada äytkännäre küzdä totıla.
Ministr küzläw xezmätläre Könbatışnıñ jurnalistlarnı, studentlarnı häm eşçelärne tikşerenü sıltawı belän küzläw eşlärendä qatnaşırğa yallawın açıqladı dip beldergän ide.
Amnesty İnternational isä İranda keşe xoquqların, azçılıq xoquqların yaqlawçılarnı häm başqa tınıç tänqitläwçelärne qulğa alularğa borçılu belderde.
Oyışma belderüençä, soñğı könnärdä toqtarlanğannar arasında İran azäriläre häm küptän tügel 4 xatın-qıznı üterügä qarşı demonstratsä oyıştırırğa mataşqan 10 keşe dä bar.
