Accessibility links

Кайнар хәбәр

Törkiäne ärmän genotsidın tanırğa öndilär


Brussel -- Yewropa Parlamentı Törkiä turındağı xisabın beraz yomşartıp, "ärmän genotsidın tanu Berlekkä kerü öçen şart" digän işaräne alsa da, Ankaranı ütkänne tanırğa öndi. Xisapnıñ avtorı Hollanda wäkile Camiel Eurlings tawış birüdän soñ bolay dide:

"Törkiäneñ monı räsmi räweştä tanuı Yewropa Berlegenä kerü öçen şart tügel, läkin äğzalıq yulınnan barğan il öçen bu bik möhim. Şuña kürä, döres añlağız, bez Ärmäsntan belän berlektä, Törkiäne ütkänenä bäyä birergä çaqırabız."

Yewropa Parlamentı "elekke qararlarda äytelgänçä, Törkiäne ärmän genotsidın tanırğa öndäwen" yänä qabatladı.

Uzğan yıl başlanğan äzğalıq söyläşüläre uñışlı tämamlansa, Törkiägä Berlekkä kerü öçen Yewropa Parlamentınıñ raslawı kiräk bulaçaq.

Yewropa Komissiäse noyäber ayında Törkiä turında üz xisabın bäyän itergä cıyına. Anda Törkiäneñ Kipr belän qarşılıqları telgä alınır dip kötelä.
XS
SM
MD
LG