Yaponianeñ yaña premyer-ministrı Şinzo Abe Qıtay häm Könyaq Koreya belän mönäsäbätlärne yaxşırtırğa tırışa. İl parlamentında çığış yasap ul: “Bezneñ ilgä yañaça fikerläwgä qorılğan, üz digänendä nıq toruçı diplomatiägä küçärgä waqıt citte. Qıtay häm Könyaq Koreya belän üzara mönäsäbätlärdä ışanıçnı nığıtu xalıqara cämäğätçelek häm Aziä töbäge öçen töp moment bulıp tora. Böten yaqlarnıñ da ğädel häm kiläçäkkä yünälgän diskussiägä omtıluı ähämiätkä iä”, - dide.
