Bügen Paqstanda cirle waqıt belän irtänge 8.52dä näq ber yıl elek köçle cir teträwdä häläk bulğannarnıñ ruxına doğa qılındı. İlneñ tönyağında häm Kaşmir töbägendä, Rixter ülçäwe belän 7.6 bal köçendä bulğan cir teträwdä 73 meñnän artıq keşe häläk bulğan ide. 3 yarım million keşe yortsız, 11 meñnän artıq bala yätim qaldı. İsän qaluçılar yardämneñ kilep citmäwe häm tözeleş tarmağında rişwätçelekkä zarlana. Yözlägän meñ keşe bıyılğı qışnı da çatırlarda ütkäräçäk. Yözlägän keşe başqala İslamabadta rişwätçelekkä qarşı uram cıyını uzdırdı. Paqstan prezidentı Pärwäz Möşärräf xälne tikşerergä wäğdä itte.
