Londonda Britania premer-ministrı Tony Blair Hindstan premer- ministrı Manmoxan Singx belän oçraştı. Alar ayırım alğanda, terrorğa qarşı köräş yulları häm Tönyaq Koreyanıñ atom sınawı ütkärü turında söyläşte.
“Tönyaq Koreya bersüzsez üzeneñ xalıqara öyklämälären bozdı. Başqa illär, şul isäptän Hindstan da atom qoralların cäyeldermäw tärtiben ixtibar belän qarap torğan ber mäldä, Tönyaq Koreya qarşılıq yulınnan bara. Wäzğeyät bik citdi. Xäzer bez anı üzebezneñ berektäşlärebez belän tikşeräbez. Tönyaq Koreyanıñ üz faciğäsı, bu atom sınawına qarağanda da zurraq. Tönyaq Koreyada keşelär cäberlängändä, xäyerçelek häm açlıq xökem itkändä, xakimiatlärneñ atom sınawı öçen milliard dollarlar sarıf itüe, bu çın faciğä”,- dide Britania premer ministrı Tony Blair.
