Başqortstan prezidentı Mortaza Räximov Ufada “Nur” tatar däwlät drama teatrınıñ yaña binasın tözü eşläreneñ barışı belän tanışqan. Başqortstannıñ Rusiägä quşıluına 450 yıl tuluğa äzerlek uñayınnan teatr tözeleşe öçen yıl başında 20 million sum aqça birelgän bulğan. Bügenge köngä isä, anıñ 8 millionı ğına totılğanğa, Mortaza Räximov tözüçelärne häm teatr citäkçelegen kisken tänqıytlägän. Räximov belän bergä bulğan Başqortstannıñ tözeleş, arxitektura häm transport ministrı Xämit Mäwliärov, tözeleş eşen şähsän üz küzätüenä alaçağın häm anıñ bu aynıñ axırına tögällänäçägen beldergän. Räximov teatrnıñ zur zalına yaqtılıq häm tawış cihazları quyu öçen tağın 1 million yarım sum aqça birergä wäğdä itkän.
Nur teatrınıñ keçe zalı monnan 6 yıl elek berençe tamaşaçıların qabul itte. Ä zur zalnı tözü eşläre bik aqrınlıq belän barıp, axırda bötenläy tuqtap qalğan ide.
Nur teatrınıñ keçe zalı monnan 6 yıl elek berençe tamaşaçıların qabul itte. Ä zur zalnı tözü eşläre bik aqrınlıq belän barıp, axırda bötenläy tuqtap qalğan ide.
